C'l artìcul chè 'l è scrit in
Miranduléś |
![]() | ||
One Hour Photo | ||
![]() La Nielsen, Smith, Vartan e Williams in na figùra dal film | ||
Foto par n'óra 2002 | ||
---|---|---|
Regìa: Mark Romanek | ||
Scritōr: Mark Romanek | ||
Atōr: Robin Williams • Erin Daniels • Michael Vartan Dylan Smith • Connie Nielsen • Paul Hansen Kim | ||
Müsica: Reinhold Heil • Johnny Klimek | ||
Léngua: Ingléś | ||
Dürä dal film: 96 minüt | ||
Nasiōṅ: Stat Unî |
One Hour Photo (Foto par n'óra) 'l è 'n thriller dal 2002 ad Mark Romanek ch'al 'l à anc scrit.
La pelìcula, ch'l'à vins al prèmi dla giurìa a 'l Fèstival dal cìnema americàṅ ad Deauville, l'à muciâ sù da piò ad sinquànta-dū migliòṅ ad dòlar dòp ès'r-an custàda dódas.
Seymour Parrish dit Sy (Robin Williams) 'l è 'n óm put e dimóndi tìmid ch'al viṿ da par lò e ch'al scampa da ùnd'ś an śvilupànd al foto par cònt 'd un sèntar cumersiàł. C'n al tèmp al s taca dimóndi a la famìja Yorkin ch'la gh pòrta da spés di rulèṅ da lauràr tant che Sy al decìd ad tgnir-as sèmpar na còpia ad cal foto lè in du i s védan Will (Michael Vartan), sò mujér, la Nina (Connie Nielsen), e 'l fiōl pìcul Jake (Dylan Smith) ch'al gh'à nóṿ an.
Parrish al créd pròpria ad far part dla famìja anc lò e quànd al capìs da na foto che Will al gh'à na relasiòṅ cun n'atra dóna, la Maya Burson (Erin Daniels), al s arlìa 'd brut esénd lò dl'idéa che la famìja la vaga prutèta a tut i còst. Dòp èsar stâ licensiâ da 'l sò cap Bill (Gary Cole) parchè al fava tròpi stampi sénsa mutìṿ a spési dla dita, Sy al manda 'l foto di còran a la Nina na a n sucéd gnint. Parrish al decìd alóra 'd mōv'r-as lò andànd in d'l hutèl in dua Will al s véd cun la Maya. 'L óm al gh'à 'n curtlàs e na màchina futugràfica sèg parchè al i vōl tōr śò mént'r i gusàr e dònca al i fà cavàr śò e pò al i custrìnś a far sès davànti a lò acsè al gh'arà 'l próvi ciàri dal tradimènt.